LICOR DE VERBAS E NEPENTE
lunes, 9 de agosto de 2010
Douche rosas e devólvesme amarguras
Douche rosas e devólvesme amarguras
ou un banquete de sereas mortas
eu, que tanto preciso de alimento.
Cultivo para ti a viña do meu corpo
e tí, voraz, consumes os acios encarnados
triste recompensa de labrego neglixente
que nin rega, nin poda, nin sementa.
Pastoreas en min coma un cervo descoidado
unxido pola urxencia do teu sexo
orfos de tenrura vasme agostando os eidos.
Douche mel e zume de solpores
e fasme catedral de loito e acibeche
eu, que me adico a tecer e destecer galaxias de dozura
cal mendicante penélope.
viernes, 23 de julio de 2010
EROSTEMIA II
vou sedenta a abrevarte o breve bico
e a núa estalagtita que repousa na húmida caverna
coma unha serpe de veludo e amorodos
cuspe un manxar de lúas e de musgo
coa gadaña de acibeche que coroa
este cráneo de cerva namorada
segando vou, e vou a modo
polos teus eidos lacteos e de trigo
e coma non¡ deixalos peregrinos
os dedos que procuran
con fame de noites e de abismos
a doce ponla que repousa adurmiñada
luminoso e afoutado desprega o capitán
velas de azul e de ternuras
cautivo o cíclope e vencido
miércoles, 14 de julio de 2010
micropoemas 1
martes, 13 de julio de 2010
DEBULLANDO EN TI COMA NO MILLO
tris-tris-tris-tris: debullando en tí coma no millo
chas-chas-chas: sachando en tí como na horta
rii-rii-rii: afiando en tí coma ó coitelo
tas-tas-tas: forxando en tí como a gadaña
cet-cet-cet: tecendo en ti coma unha rede
plas-plas-plas: andando en tí como carreiro
xas-xas-xas: rozando en tí coma nas sebes
grou-grou-grou: sacíandome de tí coma do viño
EROSTEMIA 1
couza terca enceto no teu falo ou samesuga nutrida e acibeche
nas horas nas que deberiamos estar a facer circos protectores nos camiños
eu, en tolemia de estadea o estadullo procuro sen acougo.
Lapo as túas pelotas de granito con degoiro carnívoro
batendo marea de saliva, a miña lingua como arma
naquelas horas apropiadas ós morcegos,eu cobizando o carballo que me ha nutrir.
bebo do manancial o líquido derramado e cheirame o bico a castiñeiro en flor
Suscribirse a:
Entradas (Atom)